പണം, നിക്ഷേപം: സാമ്പത്തിക ഭാവിക്കായി

അമേരിക്കയുടെ ദേശീയ കടം ചരിത്രത്തിലാദ്യമായി 40 ട്രില്യണ്‍ ഡോളര്‍ കടന്നു. വര്‍ദ്ധിച്ച സൈനിക ചെലവുകള്‍, സാമൂഹിക സുരക്ഷാ പദ്ധതികള്‍, നികുതി ഇളവുകള്‍ എന്നിവയാണ് രാജ്യത്തെ ഈ കടബാധ്യതയിലേക്ക് തള്ളിവിട്ടത്. പുതിയതായി കടമെടുക്കുന്ന തുകയുടെ പകുതിയും പഴയ കടത്തിന്റെ പലിശ അടയ്ക്കാനാണ് ഉപയോഗിക്കുന്നത്.

തുടർച്ചയായ നഷ്ടങ്ങൾക്കൊടുവിൽ ഇന്ത്യൻ ഓഹരി വിപണിയിൽ മുന്നേറ്റം. യു എസ് ട്രഷറി യീൽഡ് കുറഞ്ഞതും രൂപയുടെ മൂല്യം മെച്ചപ്പെട്ടതുമാണ് വിപണിക്ക് കരുത്തായത്. അതേസമയം, ബ്രെന്‍ഡ് ക്രൂഡ് ഓയിലിന് വില ഉയർന്നത് ആശങ്കയായി തുടരുന്നു.

ഭാര്യാഭർത്താക്കന്മാർ ഒരുമിച്ച് വീട് വാങ്ങുന്നത് വായ്പാ ലഭ്യത കൂട്ടുമെങ്കിലും പുതിയ നികുതി വ്യവസ്ഥയിൽ ഇളവുകൾ കുറവാണ്. സാമ്പത്തിക ലാഭം മാത്രം നോക്കാതെ, തുല്യ ഉത്തരവാദിത്തം, ഉടമസ്ഥാവകാശം, ഭാവിയിലെ നിയമപ്രശ്നങ്ങൾ ഒഴിവാക്കാനുള്ള മുന്നൊരുക്കങ്ങൾ എന്നിവയെക്കുറിച്ച് വ്യക്തമായ ധാരണയോടെ വേണം ഈ തീരുമാനമെടുക്കാൻ.

ഉയർന്ന ശമ്പളം വാങ്ങിയിട്ടും സമ്പാദ്യമില്ലാതെ ബുദ്ധിമുട്ടുന്നവർക്ക്, 20 മിനിറ്റിനുള്ളിൽ ചെയ്യാവുന്ന 5 ഘട്ടങ്ങളുള്ള ഒരു ഫിനാൻഷ്യൽ ഓഡിറ്റ് നടത്താവുന്നതാണ്. അനാവശ്യ ചെലവുകൾ കണ്ടെത്താനും, ഇഎംഐകൾ നിയന്ത്രിക്കാനും, മികച്ച സമ്പാദ്യശീലം വളർത്താനുമുള്ള പ്രായോഗിക വഴികൾ നോക്കാം.

സംസ്ഥാനത്ത് സ്വർണ വിലയിൽ വൻ വർധനവ് രേഖപ്പെടുത്തി. അന്താരാഷ്ട്ര വിപണിയിലെ വിലക്കയറ്റമാണ് കേരളത്തിലും പ്രതിഫലിച്ചത്. ഓണക്കാലം അടുത്തിരിക്കെ വില വർധിച്ചത് സ്വർണം വാങ്ങാനൊരുങ്ങുന്നവർക്ക് തിരിച്ചടിയായി.

സൗജന്യ ഡെലിവറിക്കുള്ള കുറഞ്ഞ ഓര്‍ഡര്‍ തുക 149 രൂപയില്‍ നിന്ന് 199 രൂപയായി ഉയര്‍ത്തി സെപ്‌റ്റോ. ഇതില്‍ താഴെയുള്ള ഓര്‍ഡറുകള്‍ക്ക് 30 രൂപ ഡെലിവറി ചാര്‍ജ് ഈടാക്കും. വരുമാനം വര്‍ധിപ്പിക്കാനും എതിരാളികളായ സ്വിഗ്ഗി, ബ്ലിങ്കിറ്റ് എന്നിവരുമായി നിരക്കുകള്‍ തുല്യമാക്കാനുമാണ് ഈ മാറ്റം.

സംശയാസ്പദമായി വിദേശത്തേക്ക് വൻതോതിൽ പണമയക്കുന്ന സ്ഥാപനങ്ങളെ കണ്ടെത്താൻ രാജ്യവ്യാപകമായി പരിശോധന ആരംഭിച്ച് ആദായനികുതി വകുപ്പ്. കുറഞ്ഞ വിറ്റുവരവ് കാണിക്കുകയോ റിട്ടേൺ ഫയൽ ചെയ്യാതിരിക്കുകയോ ചെയ്യുന്ന ഈ സ്ഥാപനങ്ങൾ കോടികൾ വിദേശത്തേക്ക് അയച്ചത് കണ്ടെത്തിയതിനെ തുടർന്നാണ് നടപടി. നിലവിൽ 394 സ്ഥാപനങ്ങളും 36 പ്രൊഫഷണലുകളും വകുപ്പിന്റെ നിരീക്ഷണത്തിലാണ്.

2001 മുതൽ 2020 വരെയുള്ള കാലയളവിൽ ഇന്ത്യയിലെ കോർപ്പറേറ്റ് വരുമാനത്തിന്റെ 60 ശതമാനവും റിലയൻസ്, അദാനി, ടാറ്റ, ബിർള, ഓം പ്രകാശ് ജിൻഡാൾ എന്നീ അഞ്ച് പ്രമുഖ കുടുംബ ബിസിനസുകൾ കൈയടക്കിയതായി ലോകബാങ്ക് റിപ്പോർട്ട്. ഇതിൽ റിലയൻസ്, അദാനി ഗ്രൂപ്പുകൾ മാത്രം 20 ശതമാനത്തിലധികം പങ്കാളിത്തമാണ് നിലനിർത്തിയത്.

ഇന്ത്യയിലെ സെമികണ്ടക്ടർ സ്റ്റാർട്ടപ്പുകളിലേക്ക് ആഗോള, ദേശീയ നിക്ഷേപകർ വൻതോതിൽ പണമൊഴുക്കുന്നു. 2026-ൻ്റെ ആദ്യ പകുതിയിൽ തന്നെ നിക്ഷേപം റെക്കോർഡ് ഉയരത്തിലെത്തി. ചിപ്പുകളുടെ വർധിച്ച ആവശ്യകതയും സർക്കാർ പിന്തുണയുമാണ് ഈ കുതിപ്പിന് പിന്നിൽ.

ഇന്ത്യയിൽ സ്വർണ്ണ വായ്പയെടുക്കുന്നവരുടെ എണ്ണത്തിൽ വലിയ വർധനവ്. അടിയന്തര ആവശ്യങ്ങൾക്ക് പുറമെ വിദ്യാഭ്യാസം, ബിസിനസ് തുടങ്ങിയ ആസൂത്രിത ചെലവുകൾക്കായും ആളുകൾ സ്വർണം ഉപയോഗിച്ചു തുടങ്ങിയിരിക്കുന്നു. ഡിജിറ്റലൈസേഷനും സ്വർണ്ണ വില വർധനവും ഈ പ്രവണതയ്ക്ക് ആക്കം കൂട്ടിയിട്ടുണ്ട്.